قولولي وريحوني

بسم الله الرحمن الرحيم
السلام عليكم ورحمة الله وبركاته
أما بعد:-

أنا في إجازة من الإجازات بيت عمي ساكنين معنا في نفس البيت هم تحت وحنا فوق كلنا أبونا متوفي مرت عمي من سوريا كان لها زميلتها أتزوجت يماني وسكنت في السعودية مات زوجها الله يرحمه وزميلت مرت عمي تروح للأسف لزميلاتها تطلب منهم المعونة لأنها للأسف خلفت خمس بنات بدون أي ولد وبدون أي رجل يعرفوه في داك اليوم بيت عمي ما كانو فيه وأنا جاهز أخرج مع أهلي للصدفة الجرس خربان يدق بس ما يرد جات هاذي الحرمة مع أمها البنت تدق الباب بقوة وأنا جيت بشويش ورا الباب وفكيته بسرعة وشفت وجه ملائكي سمرني في مكاني وجات عيني في عينها لثواني كده بعدين أنتبهنا هي غطت وجهها وأنا سكيت الباب بسرعة بعدين رجعت فكيته وقلت لهم نعم أي خدمة قالتلي أنا وأمي جينا نبغى أم بدر قلت لهم أم بدر ما هي موجودة قلت لهم تفضلوا ودقولهم باب الشقة بس ما أظنهم موجودين البنت في هاذا الوقت كانت عيني في عينها بنظرات إعجاب وحسيت بشي غريب مرة جوايا يقولي كلمها أتعرف عليها لكن من تجربتي مع المعكسات ما حسيت يشي زي كذا حتى مع إلي كنت أكلمهم ويردولي ما لقوهم وجو خارجين الأم خرجت والبنت قالت سامحنا على الدق قلت لهم لا ما في أي مشكلة وأعطيتها رقمي بحجة لو جو حأتصلها وأعطتني رقمها لمن جوا دقيت عليها وكنت في غاية الخجل قلت لها إنهم جوا وبعد أسبوع حسيت إني لازم أنزل ونزلت وفكيت الباب وفجأة لقيت البنت جات قدام الباب تمام قبل ما تدق الجرس بثواني وبعد كذا صرت أكلمها بأي حجة وبعد كدا قلت لها إني معجب فيها من أول لحظة وهي قالتي حتى أنا ما أدري إش صار لي أبغى أكلمك طوال الوقت وصرت أكلمها يوميا وكل ما سمعت أغنية رومنسية أتذكرها وأحلم به كثير
جاكم السؤال دحين إشر رأيكم هاذا حب ولالا أبغ أطلب يدها أروح ولا لا

جميع الحقوق محفوظة لــ ملك الملاعب

تحياتي/لزوار وأعضاء منتديات عالم الأنمي المترجم
Shinichi